САМЫРЫК ТУКЫМ

Верысе кучем нерген палдаре

 

1 апрель гыч 1 май марте  Марий Элыште «История местного самоуправления моего края» всероссийский конкурсын региональный этапше увертаралтын.

Тудым республикын Элкӧргӧ политике, верысе самоуправленийым вияҥдымаш да юстиций министерствыже эртара. Ты конкурс Россий Федерацийыште верысе кучемын кечыжлан пӧлеклалтеш. Тудо Россий Президентын указше почеш 10 июньышто палемдалтеш.

Конкурсышто сеҥыше-влакым 12 гыч 17 ияш марте да 18 гыч 25 ияш марте ийготан коклаште палемдат. Региональный этапын участникше-влак йодмашым да конкурслык материалым министерствын otdelmsu@mail.ru электрон адресышкыже 1 май марте колтен шуктышаш улыт.

2 гыч 31 май марте жюри сеҥыше-влакым палемда. Финал Москваште эрташ тӱҥалеш. Федерал кӱкшытыштӧ икымше верым налше-влаклан пӧлек шотеш «Артек» йоча рӱдерыш путевкым кучыктат. Кугурак ийготан тӱшкаште участвоватлыше ӱдыр-рвезе-влаклан варажым субьектын кугыжаныш да муниципал кучем органлаштыже практикым эрташ да Оласе кумдыкым тӱзатыме шотышто советыш пураш темленат кертыт.

Конкурсын положенийже да номинацийже-влак дене тыгак министерствын сайтыштыже рашрак палыме лияш лиеш.

С.Носова.

Опубликовать в Одноклассники

Добавить комментарий