УВЕР ЙОГЫН

Ончылгоч мучашлаш шонат

Марий Элыште «Лӱдыкшыдымӧ да сай качестван автомобиль корно» нацпроектым илышыш палемдыме жап деч ончыч пуртен шукташ шонат.

Тидын нерген республик вуйлатыше Александр Евстифеевлан Марий Элын транспорт да корно озанлык министрже Александр Герасименко каласен. Тудо ойлен:

— Тиде национальный проектым 2023 ийыште мучашлаш палемдена. Тидлан кӧра ремонтым ышташ пеҥгыдемдыме радамыш эше Эшкинин ден Машиностроитель-влак уремлам ешарен пуртымо.

Министр Киров ден Строитель уремлам ушымаште паша кузе кайыме нергенат ойлен. Палемдымыж почеш, чыла объект-влак шотыштат график деч ончыч пашам шуктымо ешартыш оксам налаш йӧным пуа.

— Тачысе кечылан задачына – РФ Минтранс дене мыланна ойырымо ешартыш финансирований шотышто соглашенийым подписатлаш. Тиде – корным тӧрлаташ 390 миллион теҥге да Киров-Строитель автокорным чоҥаш посна транш дене 250 миллион теҥге, — каласен Александр Герасименко.

Вашлиймаште тыгак Йошкар-Ола – Козьмодемьянск корно ужашлаште ямочный ремонтым ыштыме нергенат мутланеныт.

Марий Эл Республикым вуйлатышын организаций да аналитике виктемжын уверже-влак негызеш Л.КАМАЛЕТДИНОВА ямдылен.

Опубликовать в Одноклассники

Добавить комментарий