6 июньыштак Санкт-Петербургышто эртыше Экономический форумышто Марий Эл вуйлатыше Александр Евстифеев ден Сбербанкын правлений председательже Герман Греф соглашенийым подписатленыт.
— Тиде – ӱшанле банк, сандене окса шотышто гына огыл вашкыл лиеш, инвестиций шотыштат ончыко кайымаш палдырна манын ӱшанена, — каласен Александр Евстифеев.
Мутланен келшыме почеш, Сбербанк ПАО регионын экономикыжлан кӱлешан проект-влакым илышыш шыҥдарыше бизнесъеҥ-влаклан икте-весылан пайдале условий дене кредитым пуымо шотышто темлымашым онча, бизнесым да предпринимательствым вияҥдыме шотышто инвестиционный программылашке, проектлашке ушнымо годым полышым пуа, палдара Марий Элым вуйлатышын организаций да аналитике виктемже.
Л.Камалетдинова.