УВЕР ЙОГЫН

Уло тӱня ончыкталтын

9-12 октябрьыште «Крокус Экспо» тӱнямбал выставочный комплексыште  ялозанлык техникын «Агросалон – 2018»  тӱнямбал специализированный ончерже эртен.

10 октябрьыште ончерын пашашкыже  Марий Элын делегацийжат ушнен. Тушто республикнан ялозанлык да кочкыш сату министерствын пашаеҥже, ялозанлык предприятийым, фермер озанлыкым вуйлатыше ден специалистышт, районласе ялозанлык пӧлкан специалистше-влак, ссуз ден вуз-шамычын преподавательышт, аспирантышт лийыныт.

Тиде выставкыште тӱнямбалсе производитель-влакын агропромышленный комплексыште кучылталтше технике ончыкталтын. Тушто Ростсельмашын, Петербургысо трактор ден Рубцовскысо шапаш ужаш завод-влакын, Amazone-Евротехника, CLAAS, Krone, Lemken компаний-шамычын еҥышт лийыныт. Ончерым Российысе ден Германийысе  ялозанлык машиностроитель-влакын профессионал ушемышт, «Росспецмаш», «VDMA Landtecknik» ассоциаций-шамыч эртареныт.

Кундемнан делегацийже  выставкысе техникым онченыт. Налаш кумыланже-шамыч завод да компанийын еҥже-влак дене мутланеныт.

Л.ШАБДАРОВА.

Опубликовать в Одноклассники

Добавить комментарий