УВЕР ЙОГЫН

Йошкар-Олаште педагог-гуманист, психолог дене вашлиймаш-влак эртат

28-30 сентябрьыште Йошкар-Олаште педагог-гуманист, психолог, Краснодарысе практике психологийын кӱшыл школжын директоржо Алексей Бабаянц дене вашлиймаш-влак эртат. 28 сентябрьыште тудо Национальный президент школ-интернатыште туныктышо-шамыч дене мутлана. Тушто Профессионал семын «йӱлен пытыме», тудын амалже да, тыге ынже лий манын, мом ышташ кӱлмо нерген «йыргешке ӱстелыште» кутырат. А шуматкечын педагог дене ача-ава-влак вашлийыт. Нунылан «Пиалан ача-ава –пиалан икшыве» семинарым эртарат. 

30 сентябрьыште А.Бабаянц «Инфосфера» компьютер школыш йоча-шамычым  «Уста подросткын 8 привычкыже» семинарыш ӱжеш.

Ешартыш уверым «Инфосфера» школын пашаеҥже Екатерина Насонова деч 8 (8362) 347-387 телефон номер дене налаш лиеш.

Л.ШАБДАРОВА.

Опубликовать в Одноклассники

Добавить комментарий