Провой кундем гыч самырык спортсмен Д.Фёдоров (тренерже О.Рыбаков) биатлон дене Юл кундем федерал округын первенствыштыже ший призёр лийын.
Таҥасымаш Киров областьысе «Перекоп» ече-биатлон комплексыште эртен. Тушто 16 ияш марте ӱдыр-рвезе-влак вийыштым тергеныт. Дмитрий 6 километр кужытышто ик жап ўшанлын ончылно куржын, возын лӱйылтмаште туралыкым ончыктен. Соперникше-влак дене таҥастарымаште шоген лӱйылтмаште (кок гана) ик йоҥылыш гыч веле ыштен. Нылымше рубеж деч вара Ульяновск область гыч соперникше деч 8 секундлан почеш кодын, а финиш деч ончыч нуным 2,8 секунд ойырен.
Д.Фёдоров 4,5 километр кужытышто (спринтыште) таҥасен. Кумшо верыште кайыше деч улыжат пел секундлан почеш кодын.
Марий Эл командын тренерже Ю.Уманецын палемдымыж почеш, Дмитрий ПФО-н первенствыштыже кокымшо гана вийжым терген. Сандене кеч изиш, но опытшо уло. Тыге Д.Фёдоров Российын первенствыштыже таҥасаш тӱҥалеш. Тудыжо 20-26 февральыште Смоленскыште лиеш.
Е.Эшкинина.
