УВЕР ЙОГЫН

Марий Элыште 1450 гектар кумдыкеш пушеҥгым шындаш палемдыме

Угыч пушеҥгым шындыме пагытат толын шуэш. Марий Элын Пӱртӱс поянлык, экологий да йырым-йырысе средам аралыме министерствыжын  палемдымыж почеш, тений шошым чодырам шындыме пашам 1450 гектар кумдыкеш шукташ палемдыме. Тӱҥ шотышто тидым арендатор-влак шукташ тӱҥалыт. Тиде ийым Волонтер-влакын идалыкышт семын увертарыме, сандене нунын полышыштланат кугу ӱшан ышталтеш. Росслесхоз чодырам шындыме дене кылдалтше икмыняр всероссийский акцийым эртараш палемден. 

Марий Элыште гын тыгай акцийым кажне шошым да шыжым эртарат. Пушенгым шындыме паша дене пырля шӱкшакым эрыктат, пӱртӱс кумдык-влакым тӱзатат, чодыра тематике дене кылдалтше моло меоприятийыш ушнат. Чылажат чодырам арален, тудым моштен кучылтмашке  да пойдарен толмашке виктаралтын.

 Йошкар-Ола гыч пушеҥгым шындыме пашалан полшаш кумылан-влак Куяр лесничествын кумдыкыштыжо тидым 25 апрель гыч 19 май марте ыштен кертыт. Но акцийыш ушнаш шонымо нерген йодмашым ончылгоч  министерствыш 42-04-90 але 42-16-58 номеран телефон дене пуыман. Районлаште администрацийлаш але лесничествылаш лекташ лиеш.  Лесничестве-влакын спискыштым да нунын координатыштым министерствын сайтыштыже вераҥдыме.  

С.Носова.

Опубликовать в Одноклассники

Добавить комментарий