Марий Турек районысо Шишинер ден Ведерники ялла коклаште да нунын гоч эртыше корнеш тыгыде кӱм шареныт.
Тудым «2014-2017 ийлаште да 2020 ий марте жаплан ял кундемым чарныде вияҥдымаш» федеральный программе дене келшышын ыштеныт. 1,3 километр кутышан корным вакшаш 29 миллион теҥге каен. Кок ялысе калыкшат тыгай сай вашталтышлан куанен, вет ынде поснак йӱран игечыште лакылан корнышто автомашина-влаклан лавырам шыжыктен кудалышташ ок перне.
А.Андреев
