Роспотребнадзорын Марий Элысе виктемжын палдарымыж гыч, республикысе Гигиене да эпидемиологий рӱдерын, СПИД-рӱдерын лабораторийлаштышт коронавируслан тергаш тӱҥалме жап гыч 20 апрель марте чылаже 11987 шымлымашым эртарыме.
Таче, 20 апрельыште, у коронавирус инфекций дене авалталтме эше 29 у случайым официально регистрироватлыме. Тыге, республикыштына тиде кече марте COVID-2019 дене чылаже 291 еҥ черланен, 46 пациент паремын да икте колен.
Пытартыш суткаште рашемдыме чыла случай тымарте черланыше-влак дене кылым кучымо дене кылдалтын.
М.ИВАНОВА
