Марий Элыште ЕГЭ-м ончылгоч кучымо этап 21 мартыште тӱҥалын да 11 апрельыште мучашлалтын.
Экзаменым школым ӱмаште да икмыняр ий ончыч тунем пытарыше-влак кученыт.
Ӱдыр-рвезе-влак руш йылме, математике (базовый, профильный), географий, информатике ден
ИКТ, историй, химий, англичан йылме, физике, биологий, литератур, обществознаний дене шинчымашыштым ончыктеныт. Пытартыш экзамен дене мыняр баллым погымым 24 апрельыште пален налыт.
ЕГЭ дене тӱҥ этап 28 май гыч 20 июнь марте шуйна. 22 июнь гыч 2 июль марте шапаш кече-влак лийыт.
Л.ШАБДАРОВА.
