Йошкар-Оласе перинатальный рӱдерыште ончыкылык ава-влаклан азам ышташ ямдылалташ полшымо курсым эртараш тӱҥалыт. Тыгай йӧн ӱдырамаш-влаклан яра пуалтеш.
«В ожидании чуда» курсыш пӱтынь республик гыч кумылан кажне ава толын кертеш. Тудым перинатальный рӱдерын пашаеҥже-влак ден республикысе поликлиникыласе йоча отделенийлаште пашам ыштыше-шамыч эртарат. Ончыкылык ава-влаклан лекцийым лудыт, практический занятий-влакат лийыт.
Курс 28 августышто тыгай адрес дене эрта: Йошкар-Ола, Сеҥымаш бульвар, 19-ше №-ан пӧрт, консультативно-диагностический поликлинике, 40-ше №-ан кабинет.
Л.Камалетдинова.
