Я.Эшпай лӱмеш Марий кугыжаныш филармоний у проект-влакым илышыш шыҥдарымаште чот тырша.
Теве, мутлан, икмыняр ий ончыч «Сказания земли марийской» куштымаш спектакльым калык ончыко луктын. Тудым ончаш ке-кунамат зал тич калык чумырен. А кызыт Маргосфилармонийын коллективше «Марипарк» ден «Музыка в галерее» кок у проектым ямдыла. Тудын авторжо — филармонийын директоржо Эрик Юзыкайн. Проектым илышыш шыҥдараш Россий Культур министерстве йӧным ышта.
Алевтина Байкова