Республикысе общеобразовательный организацийлаште Иктешлыше кугыжаныш экзамен умбакыже шуйна. Тудын тӱҥ этапыштыже эртыше экзаменлаште 100 баллым погышо-влак улыт.
Ушештарена, тенийысе ЕГЭ икымше гана кыдалаш обший образованийын Федерал кугыжаныш образовательный стандартше негызеш эрта. Тудыжым Российысе школлаш 2011-2012 тунемме ийыште шыҥдараш тӱҥалме, а 2022 ийыште у стандарт дене 1-ше класс гычак тунемаш тӱҥалше йоча-влак 11-ше классын выпускникше улыт.
ЕГЭ-н участникше-влак кокла гыч шукынжо географий, химий да литератур дене сай результатым ончыктеныт, нунын баллышт республикысе да Российысе вузлаш тунемаш пураш ситыше. Адакшым 100 баллан экзаменым кучышо-шамыч кызыте тынарын улыт: химий дене – ныл выпускник, географий дене – ик еҥ.
Г.Кожевникова
