Марий Элын Тазалыкым аралыме министерствыжын увертарымыж почеш, 2 июльышто республикысе инфекционный стационарла гыч 20 пациентым мӧҥгӧ колтымо, тыгодымак 34 черлым эмлалташ пыштыме. Тыге, теҥгече эрдене регионысо 8 инфекционный стационарыште 572 черле киен. Тиде чот гыч 240 гражданинлан «у коронавирус инфекций» диагнозым шындыме, 140 черле неле состоянийыште лийын, 10 еҥ шодым искусственно вентилироватлыме йӧн дене шӱлен, 235 пациентлан кислород кӱлын.
«ВКонтакте» социальный сетьысе «Коронавирус. Марий Элын оперативный штабше» сообществын данныйже почеш, 2 июльышто регионыштына у коронавирус инфекций дене черланыме эше 30 у случайым регистрироватлыме, да тиде чот ынде 3020 шуын.
М.ИВАНОВА
