Российыште «Ӱшане! Таза лий!» акций тÿҥалын.
Тудын тÿҥ шонымашыже элыштына илыше калыклан шÿм-вÿргорно чер дене черланен кертмым шижтарыше тонометрын тöрлыкшым жапын-жапын тергаш кÿлмым ушештарыме дене кылдалтын.
Тазалыкын тÿнямбал кечыжлан пöлеклалтше мероприятий-влак кышкарыште Росстандартын «Марий ЦСМ» федерал бюджет тöнежшын специалистше-влак калыкым мöҥгыштö пайдаланыме тонометрын тöрлыкшым тергыме йодыш дене приниматлат, тыгодым тидым чылт яра ыштат.
Тонометрын тöрлыкшым тергыкташ шонышо еҥ-влак рÿдерыш Йошкар-Ола, Соловьев урем, 3-шо №-ан пöрт адрес дене 6-8 апрельыште 9 гыч 12 да 13 гыч 16 шагат йотке миен кертыт.
М.ИВАНОВА
