СОЦИАЛ ИЛЫШ

Кӧ эн сайын ужала?

Торговльо пашаеҥ-влакын кечышт вашеш Йошкар-Оласе рӱдӧ пазарыште продавец-шамыч коклаште профессиональный мастарлык конкурс икымше гана эртаралтеш.

 «Пазарын эн сай продавецше. Кеҥеж- 2017» конкурс икмыняр этап дене эрта да 21 июльышто иктешлалтеш. Профессий шот дене эн сай продавец-влакым кок номинаций дене ойырат: «Пазарын эн сай продавецше» кочкыш огыл сату сферыште» да «Пазарын эн сай продавецше» кочкыш сату сферыште». Участник-влакым жюри акла.

Конкурсышто сеҥыше да ужалыме точкым айлыше-влакым кубок, куснылшо вымпел, айлыме ак шотышто преференций, парковкыш яра пураш пропуск да тылеч моло призат вучат.

Пазарысе продавец-влакын пашаштым тылеч ончычат аклыме. Мутлан, 2016 ийыште «ЭКОрынкын» шыл радамысе продавецше Тамара Кудрявцева «Пятница» федеральный телеканалын «Мадам Магазинно» программыжын конкурсыштыжо изиш гына сеҥышыш лектын огыл.

М.ИВАНОВА.

Опубликовать в Одноклассники

Добавить комментарий