Марий книга савыктышын кок книгаже Одо кундемыште палемдалтын.
Удмуртийыште «П.И.Чайковскийын шочмо кундемыштыже идалыкын книгаже» конкурс эртен. Марий книга савыктышым вуйлатыше Юрий Соловьевын ойлымыж почеш, организатор-влак тушко Марий Эл гычат ушнаш йодыныт. Тыге «Ӱжаран кугорно» антологий «Эн сай литературно-художественный произведений» номинацийыште да «Изучаем языки. Марийско-русско-английский иллюстрированный словарь» (С.Дмириев, С.Мустафина) «Йоча да самырык-влаклан эн сай изданий» номинацийыште икымше степенян диплом-влакым сеҥен налыныт. Чылаже конкурсыш Российын кандаш регионжо гыч 129 книга темлалтын.
С.Носова
