УВЕР ЙОГЫН

Йошкар-Олаште Всероссийский айык илыш кечылан пӧлеклалтше пайрем лиеш

Тиде шуматкечын Йошкар-Оласе Чарла кремльыште Всероссийский айык илыш кечылан пӧлеклалтше пайрем лиеш.  

  Тудым Марий епархий, республикын Самырык-влакын политикышт, спорт да туризм министерствыже иквереш эртарат. Тушко Йошкар-Оласе вузла, Республикысе наркологий рӱдер, «Медик волонтёр-влак» региональный пӧлка да моло мер ушем ден инициативный тӱшка-влак ушнат.

Программыште концерт уло. Тидын годымак кремльыште тӱрло площадке пашам ышташ тӱҥалеш. Мутлан, часамлаште священник дене мутланаш лиеш. Чаҥым кырыме, «Еш дене пырля модына», «Шун гыч ненчена» да моло мастер-класс-влак оҥай лийыт. Тӱрло теме дене лекторий-влак пашам ыштат. «Единоборец» спорт-клубын еҥже-влак шке мастарлыкыштым ончыктат. Шуко модыш, конкурс, таҥасымаште шкем тергаш да ончыкташ лиеш. Пайрем мучаште итешлымашым ыштат, ойыртемалтше-влакым палемдат.

 С.Носова.

Опубликовать в Одноклассники

Добавить комментарий