«Марий Эл» газет редакций Марий Йӱштӧ Кугыза (тудыжо Шернур вел Кукнур кундемыште ила) дене пырля конкурсым увертарат. Йоча-влак, тений, Экологий идалык мучко, кундемыштыда пӱртӱсым аралыме, вер-шӧрдам тӱзатыме, памашым эрыктыме пашам ыштенда гын, Марий Йӱштӧ Кугызалан яндар марий йылме дене серышым возен колтыза. Эн оҥай да ӧрыктарыше паша-влакым газетыштына савыктена, сайтыштына вераҥдена да сеҥышыш лекше кум серышын авторжылан Марий Йӱштӧ Кугыза дечат, редакций дечат пӧлек лиеш. Пашадам почто гоч але газетнан электрон почтышкыжо, тыгак la-lishabdarova@yandex.ru электрон адресыш колтен кертыда.
Л.ШАБДАРОВА.
Снимкыште: Шернур район Кукнур кундемыште илыше Марий Йӱштӧ Кугыза ден Лумӱдыр.
Д.Речкинын фотожо.
