Тунемме ий мучашке лишеме. Кок-кум арня гыч шинчымашым пуымо тӧнежлаште выпускной кас-влак эртаралташ тӱҥалыт. Чаманен палемдыман, ты куанле пайремлан кажне йочак огыл йытыра вургемым, йолчиемым але сӧрастарышым налын кертеш.
Марий Элын Калык илышым саемдыме шотышто министерствыже кумылан чыла еҥым «Школ баллан ямдылалташ полшена!» поро кумыл акцийыш ушнаш ӱжеш.
Акцийын тӱҥ шонымашыже шуко шочшан да тӱнен илыше ешлаште илыше выпускник-влаклан йытыра вургемым ойырен налаш полшымо дене кылдалтын.
Палемдыме ӱдыр-рвезе-шамычлан мемнан кокла гыч кажныже пайрем вургемым, бальный але коктейльный манме платьым, тувырым, костюмым, блузкым, брюкым да йолчиемым пӧлеклен кертеш. Акцийыш парикмахер, визажист, стилист-влак ушнат гын, ӱдыр-шамычым моткоч куандарат ыле.
Вургемым Йошкар-Ола, Эшкинин урем, 2-шо №-ан пӧрт адрес дене верланыше «Доверие» рӱдерыште 1 июнь гыч погаш тӱҥалыт. Телефон: +7 (8362) 21-10-40.
Пайремлык вургемым республикнан олалаштыже да районлаштыже калыкым социально обслуживатлыме комплексный рӱдерлаштат погат.
М.ИВАНОВА
