УВЕР ЙОГЫН

Йӱштӧ Кугызана — ик эн палыме

ТурСтат турист портал 2019-2020 ийласе телым Российыште эн ойыртемалтше Йӱштӧ Кугыза-влакын рейтингыштым ямдылен. Шернур районысо Кукнур кундем гыч  марий Йӱштӧ Кугызана лу эн палыме лӱм радамыш логалын.

   Тиде рейтингшым элнан Вологодский областьысе Великий Устюг олаште илыше тӱҥ Йӱштӧ Кугызан шочмо кечыж вашеш эртареныт. А ты кечыже  18 ноябрьыште палемдалтеш. Лач тунам тудо элыштына икымше у ий кожышто тулым чӱкта. Ты кечын тушто кугу пайрем эртаралтеш. Тудын деке унала ятыр регион гыч йомакысе герой-влак мият.

Рейтингшым турист-влакын Российысе Йӱштӧ кугыза-влакын резиденцийышкышт коштмыштым иктешлыме почеш ыштеныт. Тыге ты спискыш логалыныт:  тӱҥ Йӱштӧ Кугыза,Татарстанысе Яна Кырлай ял гыч Кыш Бабай, Карелийысе Олонец ола гыч Паккайне да Талви Укко, Бурятийысе Улан- Уде ола гыч Саган Убген, Одо кундемысе Шаркан села гыч Тол Бабай, марий Йӱштӧ Кугыза,  Ульяновск областьысе Кивать села гыч  мордва Якшамо Атя, Чувашийысе Кшауши ял гыч Хель Мучи, Ямал-Ненец автоном округысо Горнокнязевск посёлко гыч Ямал Ири да Тыва Республикысе Кызыл ола гыч Соок Ирей.

 Каласен кодыман, тений Шернур район Кукнур кундемыште дене марий Йӱштӧ Кугызалан пӧртым нӧлта. 

С.НОСОВА

Опубликовать в Одноклассники

Добавить комментарий