УВЕР ЙОГЫН

Йошкар-Оламат авалта

«Великий Волжский путь» турист маршрутым РФ Тӱвыра министерствын илышыш шыҥдарыме йоча туризм программышкыже пуртеныт. 

Тиде маршрутыш Татарстан ден Марий Элын сылне, шарнымашеш кодшо, турист-влаклан келшен толшо верлам пуртымо. Ончылгоч шотлен лукмо почеш, тений тудын дене 2 тӱжем наре тунемше эртышаш. Маршрутым кодшо ий шыжым эртараш тӱҥалыныт. Мутлан, кызыт «Озаҥ — Чебоксар- Йошкар-Ола» тур темалалтеш. Вес туржо Озаҥым, Самарам, Ульяновскым авалта. Моло турым тений пашаш колтат. Турист семын корныш тарваныше тунемше-влаклан кочкыш пакетым, поян эскурсий программым ямдылат.

«Великий Волжский путь» турист маршрутым пашаш колтымо нерген Юл кундемысе регион-влак Санкт-Петербургысо тӱнямбал тӱвыра форумышто пунчалыныт да ойпидышым ыштеныт. Тушко 13 республик ден область ушненыт. Юл кундемысе федеральный округышто турист-влак Нижний Новгородышто, Кировышто, Озаҥыште, Йошкар-Олаште, Саратовышто, Пермьыште, Самарыште, Пензыште, Ульяновскышто, Саранскыште да Чебоксарыште лийын керыт.

С.Носова.

Опубликовать в Одноклассники

Добавить комментарий