Марий Эл Республик тӱвыран сулло пашаеҥже, шуко сылне мурын авторжо, поэтессе Раисия Ивановна Николаевалан (Мардан Рая) – 75 ий.
Журналистын профессийже пеш оҥай! Палыме але палыдыме еҥ деч интервьюм налаш кайыме деч ончыч героэтын илыш корныжым кок-кум гана шерын лектат, рашемдышаш йодыш-влакым вуйыштет уэш-пачаш пӱтыркалет – лудшылан сай деч сай материалым темлыме шуэш. Марий поэтессе Мардан Рая дене вашлийын кутыраш тылзе ончыч ямдылалтым. Амалжат кугу – таче Раисия Ивановна Николаева 75-ше шочмо кечыжым вашлиеш. А теве на! «Ончыко» журналын кумшо номерыштыже «Пӱрымаш корно йыжыҥан» вашмутланымаш савыкталтын, журналист Эрик Петров юбилярын илыш корныжым кажне йолтошкалтыш йотке радамлен: шочын вочмыж гыч тачысе кече марте! Паша биографийже, Америкыште лиймыже, морж улмыжо, еш илышыже – чылажат кидвундашысе гай, лудса!
Поэт – тыглай гына айдеме огыл. Тудо саманым, еҥ койыш-шоктышым, сайым-осалым, пӱртӱсым, йӧратымашым – чылажымат, мом ме илыш да пӱрымаш манына, шӱм-чонжо вошт колтен, почеламутыш пышта. Поэтын шинчаончалтышыже, тӱняумылымашыже весе.
Марий Эл Республикын тӱвыражын сулло пашаеҥже, ятыр мурын авторжо, сылнымутчо Мардан Рая дене вашлийын, кум шагат утла кутырен шинчымеке, ончылгоч возен ямдылымыж да мутланымына гыч, теве тыгай материал лекте да тыланда лудаш темлена.
Лидия СЕМЕНОВА
Снимкыште: Мардан Рая ден мурызо Любовь Орлова. Р.Николаеван еш архивше гыч налме фото.
Умбакыже 2021 ий 20 апрельыште лекше «Марий Эл» газетыште лудса. Газетланна подпискым ышташ ида мондо!
