Марий Элыште 2018 ий III кварталыште илен лекташ лийме кугыт 9078 теҥге лийын. Тӱҥ социально-демографический тӱшка-влак шот дене ончалаш гын, пашам ыштен кертшылан – 9673 теҥге, пенсионерлан – 7441 теҥге, йочалан – 9380 теҥге.
429-ше №-ан тиде пунчалым 2018 ий 12 ноябрьыште Марий Эл Республикын правительствыже луктын.
Илен лекташ лийме кугыт социальный политикым эртарыме да илышыш пуртымо годым калыкын илышыжым аклаш, республикын бюджетшым формироватлаш кӱлеш.
М.ИВАНОВА.
