Марий Элын Тазалыкым аралыме министерствыжын увертарымыж почеш, 20 апрель марте республикын стационарлаж гыч у коронавирус инфекций деч паремше 46 пациентым мӧҥгӧ колтеныт. Тыгодымак коронавирус дене черланымым пеҥгыдемдыме диагнозан да инфекций дене авалталтын кертыныт манын шонымо 213 пациент умбакыже эмлалтеш. Нунын кокла гыч 27 черле неле состоянийыште, 181 еҥын тазалыкшым «нелылыкын кокла йыжыҥже» семын аклат, визытыным – «нелылыкын куштылго йыжыҥже» семын. Кум пациент шодым искусственно вентилироватлыме йӧн дене шӱла. 79 черлылан кислород кӱлеш.
20 апрель эрдене Йошкар-Оласе больницын инфекционный отделенийыштыже 146 еҥ эмлалтын. Врач-влак нылыт деч моло пациентлан «пневмоний» диагнозым шынденыт. 26 черле неле состоянийыште, 120 еҥын тазалыкше «нелылыкын кокла йыжыҥже» семын аклалтеш. Кок черле шодым искусственно вентилироватлыме йӧн дене шӱла. 73 пациентлан кислород кӱлеш.
Йоча республиканский клинический больницыште шым икшыве кия. Кум пациентлан «пневмоний» диагнозым шындыме. Коктын «нелылыкын кокла йыжыҥже» манме состоянийыште улыт, вич йочан тазалыкше «нелылыкын куштылго йыжыҥже» семын аклалтеш.
Звенигово районысо рӱдӧ больницыште у коронавирус инфекций дене авалталтын кертыныт манын шонымо 17 еҥ кия. Врач-влак нунын тазалыкыштым «нелылыкын кокла йыжыҥже» семын аклат. Куд пациентлан «пневмоний» диагнозым шындыме.
Козьмодемьянск межрайонный больницын инфекционный отделенийыштыже коронавирус дене авалталтын кертыныт манын шонымо 10 пациент эмлалтеш. Нунын тазалыкышт «нелылыкын кокла йыжыҥже» семын аклалтеш. Кандаш пациент пневмоний дене орлана.
Волжск оласе рӱдӧ больницын инфекционный отделенийыштыже коронавирус дене черланен кертыныт манын шонымо шым пациент кия. Нунын состоянийышт «нелылыкын кокла йыжыҥже». Вич еҥ пневмоний дене черланен.
Марий Турек районысо рӱдӧ больницын инфекционный отделенийыштыже 16 пациент эмлалтеш. Икте деч моло черлылан «пневмоний» диагнозым шындыме. Ныл еҥлан кислород кӱлеш. Неле состоянийыште улшо ик пациент шодым искусственно вентилироватлыме йӧн дене шӱла. Лучко черлын тазалыкше «нелылыкын кокла йыжыҥже» семын аклалтеш
Медведево районысо рӱдӧ больницын коронавирусан пациент-влаклан хирургический да акушерско-гинекологический профилян медицине полышым пуымо отделенийыштыже 10 пациент кия. Шым еҥым пневмоний деч эмлат. Врач-влак чыла черлын тазалыкшым «нелылыкын кокла йыжыҥже» семын аклат. Кок пациентлан кислород кӱлеш.
М.ИВАНОВА
