УВЕР ЙОГЫН

Икте – вургемым урга, весе – ушкалым ашна…

3 октябрьыште «Российын самырык предпринимательже» конкурсын регионысо этапшын финалже лийын.

Республикыште конкурс «Тый – предприниматель» федеральный программым илышыш пуртымо дене келшышын, шымше гана эртаралтын.

Конкурсын участникше-влакым Марий Эл Республик правительстве председательын икымше алмаштышыже Михаил Васютин, молодежный политике, спорт да туризм министр Лидия Батюкова саламленыт.

Тиде этапыште сеҥышыш теве кӧмыт лектыныт:

«производство» номинацийыште – Елена Лежнина («LELU KIDS» йоча вургемым ургышо);

«ялозанлык производство» номинацийыште – Атам Хасиев (ушкалым ашна, шӧрым ыштен налеш);

«социальный предпринимательстве» номинацийыште – Инна Плешакова (INMUSIC музык студий);

«услуго сфер» номинацийыште – Алексей Исманов (илыме да илыме огыл зданий-влакым чоҥышо «Домовой» ООО);

«ужалымаш» номинацийыште – Николай Мальцев (свежа шылым ужалыше кухнян «Фермама» кевыт).

Конкурсышто сеҥыше-влак Марий Элын чапшым Всероссийский молодежный экономический конгрессыште аралаш тӱҥалыт. Тудо кок йыжыҥ дене Москваште да Нижний Новгородышто эрта. Тиде жапыштак конкурсын всероссийский финалже лиеш да сеҥыше-влакым саламлат.

Л.Камалетдинова.

Опубликовать в Одноклассники

Добавить комментарий