Марий Эл Образований да науко министерствыште ача-ава-влакын советыштын заседанийышт лийын.
Тушто министр Лариса Ревуцкая 2024 ийысе тазалыкым пеҥыдемдыме кампаний жапыште ведомство ден Марий Элын Икымше-влакын толкынышт дене пырля пашам ыштыме нерген каласкален, тыгак тӱҥалтыш школышто тунемше-влакын «Орлята России» проектыш ушнен кертме йӧнышт дене палдарен.
Заседанийыште республикыса ача-ава-влакын республик кӱкшытан советыштын районласе тыгаяк совет-шамыч дене вашкылым ышташ палемденыт. Ушемын председательже Дмитрий Дырдан мутшо почеш, вашкыл Икымше-влакын толкынышт, «Навигаторы детства» проектын ресурс рӱдерже, «Калык фронт» общероссийский организаций дене лийшаш.
«Школ, образований вашталтыт, но йоча школ ден еш коклаште кодшаш огыл, ме чыланат пырля лийшаш улына. Сандене тендан дене кылым кучаш эреак ямде улына, пагалыме ача-ава-влак», – каласен Лариса Ревуцкая.
Г.Кожевникова
Фотом Образований да науко министерствын сайтше гыч налме
