6-10 июльышто Курыкмарий районышто Юл кундем федеральный округысо изирак чотан калык-влакын «Эмер» II слётышт лиеш.
Чолга самырык ӱдыр-рвезе-влак Сухин ялыште Певческий (Мурышо) аланыште чумыргат. Участник-шамыч палаткан олаште илаш тӱҥалыт. Нуным поян программе вуча:
🔹 кугыжаныш да муниципальный управлений, патриотический воспитаний дене кылдалтше, ялозанлык, тӱвыра да силовой блок сферыла гыч эксперт-влак дене вашлиймаш;
🔹тӱҥ компетенцийым вияҥдымашке виктаралтше тренинг-влак;
🔹курыкмарий-влакын тӱвыраштым, илыш-йӱлаштым почын пуышо тӱвыра программе;
🔹кызытсе ялозанлык комплекслашке экскурсий дене лектын коштмаш.
Мероприятий «Молодёжь ден йоча-влак» национальный проект полшымо дене илышыш шыҥдаралтеш.
