ТАЗАЛЫК

Вӱр эре кӱлеш

Республиканский вӱрым налме станций регионысо донор-влак деке обращений дене лектын:
«Пагалыме донор-влак! Тиде куштылгыжак огыл жапыште талешке дене тӧр улыда. Вӱр службын пашаже тендан деч посна нигузеат кӱлеш семын воранен огеш керт. Да айдеме илышым утарен кодымо поро пашам ме пырля гына шуктен сеҥена.
Республикнан больницылаштыже эмлалтше пациент-влаклан вӱрын компонентше кече еда кӱлеш, шукыштлан – тазалыкым веле огыл, эсогыл илышым арален кодаш! Вӱр поснак хирургический, акушерско-гинекологический операцийым ыштыме, онкологий ден гематологий дене кылдалтше черым эмлыме годым кучылталтеш.
Ме умылена, кызыт посна улмо режим моткоч кӱлешан. Туге гынат, писынрак черланен кертме тӱшкаш пурыдымо да вӱрым пуэн кертше-влакым, шекланыме чыла мерым шуктен, станцийышкына толаш ӱжына. Шке вечна чыладам черланыме деч кӱлын аралена: персонал ешартыш тергымашым эрта, кидым дезинфицироватлыше средства дене обрабатыватла, донор-шамычын капкыл температурыштым висат, нунылан маскым пуат, кумдыкым южтарат да дезинфицироватлат.
Мемнан деке чарак деч посна толын керташ манын, Республиканский вӱрым налме стнцийын регистратурышкыжо 45-43-81 номеран телефон дене йыҥгыртыза, да ме тыланда донацийыш ӱжмашым колтена.
Пагалыме донор-влак! Толза! Ме тендам вучена!

М.ИВАНОВА

Опубликовать в Одноклассники

Добавить комментарий