ТАЗАЛЫК

Улыжат вич вер кодын! 

 

Марий Элын Тазалыкым аралыме министерствыжын увертарымыж почеш, акушер-гинекологын, тӱшка практике врачын але патологоанатомын специальностьшым налаш шонышо врач-влак ординатурын программыж почеш целевой верлаште бюджет ассигнований кӱшеш тунемын кертыт. 

Кызытеш Марий Эллан ойырымо 45 вер гыч визытше яра: «Акушерстве да гинекологий» специальность дене кок целевой вер – Ингуш кугыжаныш университетыште да Йӱдвел-Осетий кугыжаныш медицине академийыште, «Тӱшка врач практике» (еш медицине) специальность дене кок целевой вер – Н.П.Огарев лӱмеш Мордва кугыжаныш университетыште да Ульяновск кугыжаныш университетыште, «Патологический анатомий» специальность дене ик вер – Ульяновск кугыжаныш университетыште. 

Ушештарена: 2020 ийыште ординатурыш тунемаш пурымо годым ешартыш балл шотыш налалтеш: 20 балл – у коронавирус инфекций шотышто профилактикым, диагностикым да эмлымашым эртарыме дене кылдалтше волонтёр пашаште участвоватлымылан, 30 балл – медицине пашаеҥын должностьыштыжо пашам ыштымылан але специалитет, бакалавриат, магистратур образовательный программе дене практикым эртымылан, нине паша COVID-19 инфекцийым диагностироватлыме да эмлыме мероприятий-влак дене кылдалтыныт гын. 

 Ординатурышто целевой йӧн дене тунемаш кумылан врач-влакым регионын Тазалыкым аралыме министерствыштыже вучат. 

М.ИВАНОВА

Опубликовать в Одноклассники

Добавить комментарий