УВЕР ЙОГЫН

Вӱрым пуаш – суапле паша

15 августышто «Донор лийын код» всероссийский акций стартым налын. Тушко Волжский районысо «ОНФ-ын молодёжкыжо» командын участникше Денис Смирноват (снимкыште) кумылын ушнен.
— Акцийыште кажне еҥ участвоватлен кертеш. 17 августышто мыят Волжск оласе «Росплазма» донор плазме-рӱдерыште вӱрем пуышым. Тыште у еҥ омыл, «Российын почётан доноржо» знакым налашлан вӱрын плазмыжым 20 гана веле пуашем кодын, — каласкала Юлсер кундемын чыла шотыштат чолга еҥже Денис Смирнов. – Процедур Роспотребнадзор ден Минздравын чыла санитарно-эпидемиологический йодмашышт дене келшышын эртаралтеш. Вӱрым налме деч ончыч донорын капкыл температуржым висат, социальный дистанцийым эскерат, дезинфекцийым ыштат.
Донорство – айдемын илышыжым арален кодаш полшышо пайдале тӱҥалтыш. Кызыт элнан медицине тӧнежлаштыже донор вӱрын да тудын компонентше-влакын шапашышт ситышын уло гынат, ончыкыжым чӱдылык ынже шижалт манын, тудым пойдаренак шогаш кӱлеш.

М.ИВАНОВА

Опубликовать в Одноклассники

Добавить комментарий