Волжский район администраций вуйлатыше Рудольф Григорьев тиде должность гыч шке кумылын каен.
Отставкыш колташ депутат-влак деч тудо шкежак йодын. Тыге Р.Григорьев шуктымо обязанностьшо гыч 14 сентябрьыштак кораҥдалтын. Тудын дене служебный контрактымат кӱрлмӧ. Ушештарена: Волжский районым Р.Григорьев 2017 ий 20 октябрь гыч вуйлатен.
Рудольф Григорьевын отставкыш кайымыж деч вара Волжский район администраций вуйлатышын пашажым жаплан икымше алмаштышыже Алексей Браслетов шукта. Тыгай ойым депутат-влак пидыныт. Браслетов тиде решений дене келшен. Тудо район администраций вуйлатыше должностьыш увертарыме конкурсышто сеҥыше пале лиймешке пашам ышташ тӱҥалеш. Конкурс 9 октябрь марте эртаралтшаш.
Л.Камалетдинова.
