Россий МЧС-ын вузлашкыже тунемаш пураш йӧн уло.
Тушто шинчымаш дене пырля чонлан келшыше сай профессийым налаш материально-технический базат сай да туныктышо-шамычат кӱкшӧ квалификациян улыт. Курсант-влак тӱрыс кугыжаныш обепеченийыште лийыт. Тыгак нунылан армий деч отсрочкым пуат, кочкаш яра пукшат, илыме верлан, обмундированийлан тӱлаш огеш логал.
Тунем лекмеке, кугыжаныш пожарный службышто ыштыше-влакын льготыштат сай лиеш. Медицине обслуживанийлан тӱлаш огеш логал, 20 ий пашам ыштымеке (тунемме жап тушкак пура), пенсийыш лекташ лиеш. Кажне ийын тыглай да ешартыш отпуск пуалтеш.
Тунемаш пурымо шотышто чыла йодышым рашемдаш Россий МЧС-ын Марий Элысе Тӱҥ управленийжын кадр отделышкыже тыгай адрес дене лекман: Йошкар-Ола, Гагарин проспект, 16-шо №-ан пӧрт. Телефон: 8(8362)69-02-43, 69-02-64.
С.Носова
