Волжский районышто шахмат дене йӱлаш пурышо турнир эртен. Уш-акылым пудыратылаш Морко, Советский, Шернур, Звенигово районла гыч участник-влак ушненыт.
Икмыняр оҥаште ятыр жап таҥасымек, икымше верыш Морко, кокымшыш Звенигово, кумшыш Приволжский посёлко гыч команде-влак лектыныт. Личный зачётышто С.Муравьёв (Звенигово), П.Тараканов (Шарача, Волжский район) М.Комаров (Советский) ойыртемалтыныт.
– Тыгай сынан таҥасымашым кажне ийын эртараш тыршена. Тудо шахматым вияҥдыме шӱлышан. Кызыт тӱҥ шотышто кугурак ийготан-влак модыт. Нуным ончен, самырык-влакат ушнат, шонена, – ойла организатор А.Михайлов. – Спортын ты видше дене моло районлаштат тыгайрак сынан турнир-влак эртаралтыт. Шахмат, содыки, уш-акылым пӱсемдаш полша, ончыко шонен мошташ туныкта.
Е.Эшкинина.
