Тений 3 июль гыч Российыште водитель-влакын йӱшӧ улмыштым вӱрыштым терген рашемдаш тӱҥалыныт.
Мо оҥайже, законыш вашталтыш ГАИ-н пайремже кечын илышыш пурен.
Ынде машинам виктарышын вӱрыштыжӧ ик литрлан шотлымаште 0,3 грамм алкоголь улмым рашемдат гын, тудо йӱшылан шотлалтеш.
Кызыт марте закокышто айдемын организмыштыже спирт мыняр улмым промилле дене шотленыт да водительын йӱшӧ улмыжым алкотестерыш шӱлалтымыж да шондо анализ дене гына рашемденыт.
«Автомобильная Россия» партийын юристше Сергей Радькон палемдымыж почеш, илышыш пуртымо закон нелылыкым кораҥдаш полша. Вет йӱшӧ улмым алкотестер полшымо дене гына рашемдыме годым чот сусыргышо да колышо водитель-влакын могай состоянийыште улмыштым тергаш йӧн лийын огыл.
Ушештарена, РФ КоАП-ын 12.8 статьяж дене келшышын, транспорт дене йӱшывуя кудалыштмылан водитель 1,5 гыч 2 ий марте жаплан права деч посна кодеш, тыгак 30 тӱжем теҥге штрафым тӱла.
Л.Камалетдинова.
