Ару водитель — ӱдырамаш
Йошкар-Олаште автомобиль дене «Автоледи Марий Эл-2018» таҥасымаш шукыштым тургыжландараш таратен. Республикысе ӱдырамаш-водитель-влак мастар да профессионал улмыштым ончыктеныт. Оҥайже теве кушто лийын. Водитель-влак пневматический винтовко гыч лӱйылтыныт, корнысо правил шотышто теорийым палымаште уш-акылыштым пудыратылыныт, автодромышто неле элементым ыштымаште ойыртемалтыныт.
Мучашлан сеҥышым палемденыт. Икымше верым Наталья Уразова, кокымшым Анна Зубарева, кумшо верым Татьяна Ижаковская налыныт.
