УВЕР ЙОГЫН

Александр Евстифеев: «Тыште профессионал-шамыч пашам ыштат»

12 январь — Россий Федерацийысе прокуратур пашаеҥ-влакын кечышт. Нуным Марий Эл вуйлатыше А.Евстифеев саламлымыж годым да тушто профессионал-шамыч пашам ыштат манын палемден. Республикнам вуйлатыше Россий прокуратурым ыштымылан 296 ийым теммылан пӧлеклалтше  торжественный погынымашке миен. Марий Эл Республикын прокуроржын пашажым шуктышо  Ю.Ворончихинат тыгак салам мутым ойлен. 

Александр Евстифеев республикысе прокуратурын пашажлан кӱкшӧ акым пуэн, тудын ончылно шогышо задаче-влакым палемден. «Ныл ий гыч ме прокуратур орган-влакым ыштымылан 300 ияш лӱмгечым пайремлаш тӱҥалына. Петр I-ын указше дене ыштыме ты орган ӱмбаке надзорный пашаште  порядкым эскерыме гына огыл, тыгак правосудийым тергымат пурен. 2016 ий декабрь гыч Россий Президент Владимир Путин контрольно-надзорный орган-влакым реформироватлыме шотышто пашам эскера. Тиде сомылым прокуратурын органже-влак Россий Федерацийын Правительствыже дене пырля вӱдат», — мане А.Евстифеев.

Пашаште ойыртемалтше прокуратур пашаеҥ-влаклан ведомственный награде-влакым кучыктеныт. Ветеран-шамычымат палемденыт.

Л.ШАБДАРОВА ямдылен.

Опубликовать в Одноклассники

Добавить комментарий