13 августышто Йошкар-Олаште Историй ден археологий тоштерыште «Предмет, образ, символ: к истокам марийской культуры» книган презентацийже эртен.
Тудын авторжо-влак историй науко доктор-шамыч Татьяна Никитина, Валерий Никитин, историй науко кандидат Диана Ефремова улыт.
Тиде книган икымше презентацийже 26 майыште Москваште ВДНХ-ште «Россий» тӱнямбал выставке-форумышто лийын.
Историй ден археологий тоштерыште тыгак Татьяна Никитинан 70 ияш лӱмгечыжлан пӧлеклалтше выставке почылтын.
Ты мероприятийыш Марий Эл Правительстве Председательын алмаштышыже — тӱвыра, савыктыш да калык-влакын пашашт шотышто министр К.Иванов ушнен да книган авторжо-влаклан тудым ямдылыше да савыктыше-шамычлан таум каласен.
Л.ШАБДАРОВА
Фотом Марий Элын Тӱвыра, савыктыш да калык-влакын пашашт шотышто министерствын соцкыл лаштыкше гыч налме.
