Марий Эл вуйлатыше Юрий Зайцев Пӱртӱсым аралыме Волжский регион-влак кокласе прокуратурын Марий район-влак кокласе прокуроржо, юстицийын кугурак советникше Денис Круглов дене йырым-йырысе средам аралыме шотышто законын йодмыжым шуктен толмо шотышто йодыш-влакым каҥашен.
Денис Кругловым ты пашаш тений апрельыште РФ Генеральный прокурорын приказше почеш шогалтеныт. Тыгакше тудо экологий законодательствым шуктымаште 20 ий наре ышта. Ойлымыж почеш, Марий Эл экологий шотышто элыштыжат ик эн сай регионлан шотлалтеш. «Республикыштына пӱртӱс поянлыкым арален да шукемден толмо шотышто паша эре кая: вӱд объект-влакым эрыктена, лӱдыкшым ынже кондо манын, шӱкшакым моштен кучылташ тыршена», – палемден Юрий Зайцев.
Регион вуйлатыше шукерте огыл ты пашаш шогалтыме у прокурорын опытшым палемден. Тудо законын йодмыжым пеҥгыдемден, йырым-йырысе средам аралыме сферыште кугыжаныш задаче-влакым сайын шукташ тӱҥалеш манын ӱшаным ыштен.
Марий Эл вуйлатышын пресс-службыжын уверже негызеш Светлана Носова ямдылен.
