Самара областьыште илышыш шыҥдаралташ тӱҥалше кугу проектыш Марий Элат ушнен.
Россий Президентын грантше полшымо дене шукталтше проект почеш «Возвращение к истокам» аудиовизульный энциклопедийым чумырат. Тудо этнографий экспедиций негызеш ямдылалтеш. Тиде жапыште Юл кундем федерал округышто илыше калык-влакын тӱвырашт, йӱлашт нерген 14 кинофильмым войзышаш улыт.
Мемнан республикыште съёмко 10-12 августышто Морко, Волжский да Курыкмарий районлаште эртат.
Палемдыман, проектын авторжо – «Содружество» социальный да культур кокласе кыл кучымаш рӱдер» автономный коммерческий огыл организаций ден Межэтнический журналистике гильдийын Самара оласе отделенийже, увертара Самара областьын тӱвыра министерствыже.
А.Байкова