Эрла, 2 декабрьыште, тыгай лӱман II-шо республиканский антинаркотический форум лиеш. Тудо Марий Эл правительствын темлымыж почеш эрта.
Мероприятийым еҥ-влаклан наркотикын уда велже нерген эше ик гана каласкалаш да ушештараш, самырык-шамычым таза илыш дене илаш кумылаҥдаш шонымаш дене эртараш тӱҥалыныт.
Коронавирус инфекций дене кылдалтше пандемийлан кӧра ты гана тудо онлайн йӧн дене лиеш. Форум жапыште республиканский научно-практический конференций, семинар-совещаний, семинар, видеоселекторный совещаний эртаралтат. Чылаже 8 площадкыште мутланымаш каяш тӱҥалеш.
Форумым Юл кундемысе кугыжаныш технологический университетыште торжественно почыт. Тыштак ты мероприятийым петырыме годым антинаротический сынан республиканский конкурс-влакын сеҥышыштым палемдат.
Л.КАМАЛЕТДИНОВА
