Кучемыште

Ик эмат огеш йом

Марий Элыште эмлыме препарат-влакым пеҥгыде учётышто кучат.

22 сентябрьыште Марий Элым вуйлатыше Александр Евстифеев Промышленный продукцийын закондымо оборотшылан чаракым ыштыме шотышто кугыжаныш комиссийын заседанийыштыже участвоватлен. Тудым Россий Федерацийын промышленность да торговльо министрже Денис Мантуров видеоконференцкыл йӧн дене эртарен.

Эн ончычак эмын закондымо оборотшылан чаракым ыштыме средстве семын элыштына эмлыме препарат-влакым маркироватлыме системым илышыш пуртымо йодышым каҥашеныт.

«Кок ий ончыч Минпромторг эмлыме препарат-влакын куснылмыштым эскерыме федеральный кугыжаныш системым илышыш пуртен ыле. Эртыше ий июль гыч маркировко обязательный лие. Таче кечылан системыште 90 тӱжем наре участникым регистрироватлыме да шым миллиард упаковкым маркироватлыме. Поснак кугу йодмаш коронавирус деч вакцинын чыла йыжыҥыште куснылмыж нерген увер шотышто палдырна. Тудо кажне партийын аралыме жапшым эскераш, регионлаште веле огыл, эсогыл кажне медицине тӧнежыште тудын мыняр кодмыжым ужаш йӧным ышта. Тыгеже тазалыкым аралыме орган-влак калыклан вакциным ситарыме пашам сайынрак виктарен кертыт», – манын Д.Мантуров.

Марий Элыште палемдыме системыш эмлыме средствын обращенийже шотышто сферыште пашам шуктышо 96 организаций ден еҥ ушнен. Эмлыме препарат-влакын куснылмыштым эскерыме системыште республикын чыла кугыжаныш медицине организацийжым регистрироватлыме. Эмым льготан рецепт дене ойырымо да препаратым оборот гыч лукмо фактым пеҥгыдемдыше устройство-шамычым 11 фармацевтический организаций ден 39 медицине тӧнежыш шындыме.   

Заседанийыште йоча сату аланыште закондымо оборот нергенат мутланеныт.

Марий Элысе Гигиене да эпидемиологий рӱдер розничный торговльо объект-влакым сатум идентификаций средствыла дене маркироватлыме правилым шуктымым шотышто тергенак шога. Роспотребнадзорын регионысо виктемже 13 субъект шотышто административный шымлымашым эртарен, административный правам пудыртымо нерген 9 делам тарватен. Виктемыште отчётым ыштыме пагытыште йоча сатум ужалыме годым граждан-влакын праваштым пудыртымо шотышто 4 вуйшиймашым ончымо, 4 административный шымлымашым эртарыме да 4 протоколым возымо.  

Тылеч посна контрафактный, шояк да Российыш закондымын пуртымо продукцийым ямдылыме да ужалыме фактым чарен шогалтымашке виктаралтше оперативно-профилактический мероприятий-влак эртаралтыт.

Йоча сатум ужалыме ойыртем дене тӱшка увер средстве-влак палдаренак шогат.

Марий Эл Республикым вуйлатышын организаций да аналитике виктемжын уверже негызеш М.ИВАНОВА ямдылен  

Опубликовать в Одноклассники

Добавить комментарий