26 апрельыште Российысе регионлаште, «Оласе йырвелым йӧнаным ыштымаш» федерал проект дене келшышын, 2022 ийыште тӱзатышаш кумдык-влак верч йӱклымаш тӱҥалын.
Марий Элыште 31 кумдыкым палемдыме: Йошкар-Олаште – 19, Козьмодемьянскыште – 9 да Волжскышто – 3. Йошкар-Олан сайтыштыже, мутлан, чыла 19 объектын дизайн проектшым вераҥдыме, нунын схемышт дене палыме лийын кертыда. Марий Элыште илыше кажне еҥ (14 ияш деч кугурак),12.gorodsreda.ru/ ссылке почеш единый платформыш пурен, 30 май марте йӱклышаш. Госуслуго портал гоч йӱклымыда годым илыме верысе объект верч гына, а телефон номер гоч йӱкледа гын, республикысе кеч-могай ик кумдык верч йӱкдам пуэн кертыда.
КУЗЕ ЙӰКЛАШ?
Икмыняр йӧн дене лиеш
- Йӱклымашын единый платформышкыжо 12.gorodsreda.ru ссылке дене кок семын пураш лиеш:
– Госуслуго порталыште (pos.gosuslugi.ru/lkp) личный кабинетым почман. Тидлан учётный записьда лийшаш. Уке гын, pos.gosuslugi.ru/help/fag/c-1ссылке почеш регистрацийым эртыман.
– Телефон номерда почеш.
- Волонтёр-влакын полшымышт дене:
– Телефон номерда почеш.
«Оласе йырвелым йӧнаным ыштымаш» федерал проект Российыште 2017 ий гыч шыҥдаралтеш. Тиде жапыште чылаже 83 тӱжем утла калык тӱшкан коштмо верлам да кудывечылам тӱзатыме.
Л.СЕМЕНОВА
