Регионын Социальный вияҥмаш министерствыштыже «Марий Эл Республикыште Россий Федераций Президентын Россий Федераций Кугыжаныш Погынымашлан посланийжын социальный ужашыжым илышыш пуртымо нерген» теме дене йыргешке ӱстел йыр мутланеныт.
Мероприятийыште «Россий ӱдырамаш-влакын ушемышт» Ощероссийский мер-кугыжаныш организацийын регионысо пӧлкажын еҥже-влак республикын олалаж гычат, районлаж гычат лийыныт.
Социальный вияҥмаш министр Ольга Фёдорова РФ Президентын Федеральный Погынымашлан посланийжым илышыш пуртымо радам, законодательствыште вашталтыш-влак, «Демографий» национальный проект, «Йоча шочмо годым еш-влаклан финанс дене полшымаш» региональный проект да республикыштына социальный контрактын практикыж нерген ойлен.
Банк секторын еҥже-влак льготан ипотеке да «Йочан еш-влаклан кугыжаныш полыш» программе шотышто банк продуктын условийже дене палдареныт.
Йыргешке ӱстел йыр погынышо-влак министерствын специалистше да банк пашаеҥ-шамычын полшымышт дене икмыняр йодышыштым рашемденыт.
Чеверласыме деч ончыч мероприятийыш толшо-влак тыгай сынан йыргешке ӱстел йыр ончыкыжымат погынаш кутырен келшеныт.
М.ИВАНОВА