2 февральыште элыштына Российын воин чап кечыжым (1943 ийыште Сталинград кредалмаште Сеҥымым) палемденыт.
Тидын лӱмеш 1 февральыште У Торъялысе йоча книгагудо «200 минут лудына: Сталинградлан пӧлеклалтеш» всероссийский акцийыш ушнен.
Икшыве-влаклан тиде шучко кредалмаш, тудын историйже нерген электрон презентацийым ончыктеныт. Руш писатель-влакын Сталинград кредалмаш нерген произведенийыштым — Кугу Отечественный сарын участникше, палыме йоча писатель Сергей Алексеевын «Титаев», «Сталинградская оборона», «Посмотреть на героев», «Мамаев курган», «Подвиг связиста», Владимир Богомоловын «58 дней в огне» ойлымашыжым йӱкын лудыныт.
Тыгак книгагудо пашаеҥ «Миг Победы ковал Сталинград» книга выставке дене палдарен.
Пытартышлан икшыве-шамычлан «Сталинградская битва» видеороликым ончыктеныт.
Л.Камалетдинова.
