20 июньышто Марий Элыште «Зоотехник» номинаций дене «Профессийыште эн уста» Россий кӱкшытан конкурсын республикысе йыжыҥже лиеш.
Конкурсыш Россий Федерацийыште кум ий деч шагал огыл зоотехниклан пашам ыштыше-влак ушнен кертыт. Сеҥыше-влакым диплом, медаль да шергакан пӧлек дене палемдат, тыгак республикнан чапшым таҥасымашын федерал кӱкшытыштыжо аралаш йӧным пуат.
Профессионал мастарлык таҥасымаш палемдыме кечын 10.00 шагатлан Марий кугыжаныш университетыште почылтеш.
Г.Кожевникова
Фотом Марий Элын Ялозанлык да кочкыш сату министерствын сайтше гыч налме
