Марий Элым вуйлатыше Юрий Зайцев «Единый Российын» ончылгоч йӱклымашыжын участникше-влак дене вашлиймашым эртарен.
Мероприятий жапыште регионым вияҥдыме кӱлешан йодыш ден граждан-влакын илыш качествыштым саемдышаш партийный инициативе-влакым каҥашеныт.
«Партий, куштыжо ме улына — тиде калыкын партийже, Россий Президент Владимир Путинын партийже, ме калыкнан ӱшаныштым сулаш манын, уло вийнам пыштена», — палемден» Единый Россий » Всероссийский политический партийын Марий региональный отделенийжын секретарьже Юрий Зайцев.
Кызытеш Марий Элыште федеральный сайлымаште 22 кандидатым регистрироватлыме, а 40 тӱжем утла еҥ выборщик лийын.
Регионысо пӧлкан секретарьже РФ Кугыжаныш Думын депутатше, «Единый Россий» фракцийым вуйлатышын алмаштышыже Александр Борисов дене палдарен.
Александр Борисов военнослужащий-влакын ешыштлан приоритетный диспансеризаций практикым кумдаҥдаш темлен. Юрий Зайцев ты темлымашым сайлан шотлен.
