10-11 майыште «Марий чодра» национальный парк «Яльчик ерым утарена» акцийым эртара.
Яльчик лесничествыш пурышо кумдыкышто шӱкшакым эрыкташ кумылан-влак радамыш кажныже ушнен кертеш. Йодмашым info@mariy-chodra.ru электрон почтыш колтыман. Организатор-влак деке 8 (917)702-33-44, 8(83645)6-94-02 телефон дене лекташ лиеш. Адресышт тыгай: Красногорский посёлко, Рӱдӧ урем, 73-шо №-ан пӧрт. Кызытеш акцийыш Волжскысо экологий рӱдер, «Розовый одуванчик» организаций, Марий политехник техникум да «Марий чодра» национальный парк ушнаш кумылым ончыктеныт.
Снимкыште: Яльчик ерыште.
«Марий чодра» паркын воткыл лаштыкше гыч налме фото.
