ЭКОЛОГИЙ

Сонарзын ечыж дене

«Кугу Какшан» заповедникын илышыж дене палыме лияш шонышо-влак тидым телымат ыштен кертыт.
Заповедник пашаеҥ-шамычын увертарымышт почеш, кумылан-влак, сонарзын ечыжым чиен, ик кечаш экскурсийыш каен кертыт. Ончыктен кодыман, тыгай турист-шамыч Москва, Чебоксар, Казань, Самара, Нижний Новгород да моло ола гычат толыт. Экскурсий годым ир пӱртӱс лоҥга дене палыме лияш, лӱмын турист-влаклан ямдылыме икмыняр экспозицийым ончал савырнаш, чоным лыпландараш да кандараш, поро пашам ышташ йӧн лиеш, ӱшндарат заповедник пашаеҥ-влак. Маршрутын кужытшо – 3-4 километр, кумылан-влак утларакат каен кертыт. Ечызе-турист-влак Марий отышто, «Марий чодыран йомакше» йолгорно дене эртат, кайык-влакым пукшат. Мучашлан унагудышто каналташ йӧн лиеш. Лекше чыла йодыш дене 8 (8362) 22-17-11 йыҥгыртыман.
Светлана Носова
Снимкыште: теве тыгай ече кажне кумыланым вуча.
Фотом заповедникын сайтше гыч налме.

Опубликовать в Одноклассники

Добавить комментарий