УВЕР ЙОГЫН

ВЕЙПЫМ УЖАЛАШ ЧАРЫМЕ

Кугыжаныш Думо ийготыш шудымо-влаклан вейпым ужалыме нерген законым пеҥгыдемден. «Тиде йодыш мемнан йочана-влакын тазалыкышт дене кылдалтын», – палемден Кугыжаныш Думын председательже Вячеслав Володин. Законын проектшым чыла фракцийын вуйлатышышт ден представительышт – 400 утла депутат – сайлан шотленыт.

Документ дене келшышын, элыштына чарыме:

  • никотинан продукций дене пайдаланыме устройство ден тудлан палемдалтше вишкыде средствым ярмиҥгалаште, ончерлаште, дистанционно да автомат гоч, тыгак кондыштарыме торговльо йӧн дене розницыш ужалаш;
  • подростко-шамычын кумылыштым лукташ огыл манын, тутло пушан да таман, ешартышан никотин негызан продукцийым ямдылен лукташ да калык коклаште шаркалаш;
  • нине устройствым кевытлаште ончыкташ да петырыде ужалаш.

Закон устройство дене палдарыме шотан рекламым иземдаш да тудым 12 ияш марте ийготан йоча-шамычлан ончыкташ чараш темла.

Тыгак нине изделийым Интернет гоч ужалымым, шаркалымым да рекламироватлымым ынде пеҥгыдын эскераш тӱҥалыт.

«Кызыт тиде законын нормыжо-влакым пудыртышо-шамычым наказатлыме нерген кодексыш тӧрлатымашым ямдылена. Тылеч посна налог законодательствыш вашталтышым пуртена, тудо вейпым илышна гыч йӧршын кораҥдышаш», – палемда В.Володин.

Статистике почеш, тамакым шупшшо але никотин негызан изделий дене пайдаланыше 25 ияш марте ийготан граждан-влак кокла гыч 80 процент нарыже вейпым тӱрга, кугурак ийготан-шамыч кокла гыч – 5 процент деч шуко огыл.

Минздрав ушештара, палемдыме мере-влак эн ончычак подростко ден молодёжьын никотинан изделий дене пайдаланымыж ваштареш виктаралтыныт. Российлан таза тукым кӱлеш!

М.ИВАНОВА

Фотом интернет гыч налме

 

Опубликовать в Одноклассники

Добавить комментарий